पोखरा । पोखरा नर्सिङ क्याम्पसको स्वतन्त्र विद्यार्थी युनियन (स्ववियु) मा अनेरास्ववियुको प्यानल नै विजयी भएको छ ।
अनेरास्ववियुकी प्रतिभा भण्डारी नेतृत्वको प्यानलले निर्वाचन जितेको हो । उनले नेविसंघकी रचना पौडेललाई १ सय ४० मतले पराजित गरेकी छन्। भण्डारीले २ सय ४२ र पौडेलले १ सय २ मत प्राप्त गरे ।
सचिवमा अनेरास्ववियुकी सलिना श्रेष्ठ विजयी भइन् । उनले नेविसंघकी स्वेता कोइरालालाई पराजित गरिन् । श्रेष्ठले २ सय ६८ र कोइरालाले ७४ मत प्राप्त गरेको निर्वाचन अधिकृत सह(प्राध्यापक शारदा शर्माले जानकारी दिइन् ।
कोषाध्यक्षमा अनेरास्ववियुकी कुसुम गौतमले २ सय ५४ मत पाइन् भने नेविसंघकी सुष्मा बरालले ९० मत ल्याइन् ।
सदस्यमा अनेरास्ववियुकी दिपा आचार्य, कोमल रावल क्षेत्री, अजिता घर्ती मगर, हिमानी थारू, सचिना सोमै विजयी भए । यस क्याम्पसमा ३ सय ५२ मतदाता थिए । मंगलबार भएको मतदानमा ३ सय ४७ मत खसेको थियो ।
