पोखरा। नेपाली कांग्रेसको पन्ध्रौँ महाधिवेशनका लागि कास्की–२ बाट आदिवासी जनजातितर्फको प्रतिनिधिमा सुदर्शन गुरुङ ‘बाबु’ले उम्मेदवारी घोषणा गरेका छन्।
लामो समयदेखि कांग्रेस राजनीतिमा सक्रिय उनले पार्टी संगठनलाई सुदृढ बनाउँदै समावेशी प्रतिनिधित्व र युवाको सहभागिता बढाउने उद्देश्यले उम्मेदवारी दिएको बताए। आदिवासी जनजाति समुदायको प्रतिनिधित्व संगठनभित्र थप प्रभावकारी बनाउँदै पार्टीलाई मजबुत बनाउन भूमिका खेल्ने उनले बताए ।
स्याङ्जाको आँधिखोला गाउँपालिका–१ थातथलो भएका गुरुङ हाल पोखरा महानगरपालिका–१७, डेमसाइडमा बस्दै आएका छन्। उनी तमु धिं नेपाल केन्द्रीय युवा समितिका वरिष्ठ उपाध्यक्ष हुन्। युवाको नेतृत्व विकास र सामाजिक गतिविधिमा निरन्तर भूमिका निर्वाह गर्दै आएको उनले बताए।
‘पार्टी संगठनप्रतिको जिम्मेवारी, समावेशी प्रतिनिधित्व र युवाको सक्रिय सहभागितालाई प्राथमिकतामा राखेर अघि बढ्ने’ भन्दै उनले महाधिवेशन प्रतिनिधिहरूसँग साथ, सहयोग र मतका लागि अपिल गरे।
