पोखरेली युवा कवि सुरज उपाध्यायले आफ्नो चौथो कृति बाबा कतारमा, आमा हतारमा कविता सञ्चयन कृति हालै बजारमा ल्याएका छन । कृतिको मुल्य २ सय ५० रुपया रहेको छ । समसामहिक नेपाली समाज र पारिवारिक बेदनामा रहेर लेखिएको यो बाल कविता कृतिमा २८ कविता रहेका छन ।
कवि सुरज उपाध्याय
बाल मनोबिज्ञानलाई अगालेर बाल साहित्य लेखनमा पोख्त सुरजले यस अगाडी पनि बालमनोबिज्ञान कृति अन्तरगत नै चील उड्यो आकाशमा र साईकल क्रमश २०७१ र २०७९मा प्रकाशित गरिसकेका छन । उनको पहिलो कृति तिम्रो मन फर्किएन गजल संग्रह २०६० मा नै प्रकाशित भएको थियो ।
सुरजको लेखन शैली बालबालिकालाई मनोरञ्जन दिनेमात्र नभएर चेतना र समाज चिनाउने खाले हुने गर्दछ । अत्यन्त परिश्रमी एक सामान्य जिवन जिउन मन पराउने पोखरेली युवा कवि सुरज उपाध्याय वर्तमान समाज र परिवेशको बास्तविकता बाल साहित्यको माध्यमले अहिलेका साना भाईबैनीहरुमा बुझाउने प्रयास गर्ने खप्पिस कवि हुन । साथै उनी अत्यन्त कोमल ह्दयका सहयोगी समाजसेवी पनि हुन । पोखराका मजदुर कवि भनेर चिनिने ईन्द्र राना प्रतिकलाई चर्चामा ल्याउन र सहयोग जुटाउने कार्यमा कवि सूरजले निकै मद्धत गरेका थिए ।
