पोखरा । पोखरा महानगरपालिका-६ जरेबरमा रहेको सुलभ डिपार्टमेन्टल स्टोर्सले दसैँ–तिहारमा ग्राकहरुलाई लक्षित ल्याएको उपहार योजना लक्की–ड्रमार्फत सार्वजनीक गरेको छ ।
सुलभ उपभोक्ता सहकारी संस्थाद्वारा सञ्चालित स्टोर्सको लक्की ड्रबाट प्रथम पुरस्कार स्कुटर लेकसाइडका राहुल थापाले जितेका छन् । उनले टीभीएसको एनटर्क स्कुटर जिते ।
जिल्ला विकास समितिका पुर्वसभापति रमेश भट्टराईले लक्की ड्र तान्दा ४५८७५ नम्बरको थापाको नम्बर आएको थियो । दितीय पुरस्कार एलजिको वासिङ मेसिन कुपन नम्बर २६१८५ का सुमन श्रेष्ठलाई परेको छ । त्यसैगरी तेस्रो पुरस्कार कुपन नम्बर १६२९२ का प्रबिन गुरुङलाई परेको छ ।
सान्तोना पुरस्कार १३ जनाको नाम लक्की ड्र मार्फत छानेको स्टोर्सका प्रबन्ध निर्देशक लक्ष्मण बरालले जानकारी दिए ।
२ हजारभन्दा बढिको एकैपटकमा खरिद गर्दा एउटा कुपन दिने व्यवस्था गरेको सहकारीका अध्यक्ष गोपीबहादुर भट्टराईले बताए । उनले करिब ४६ हजार कुपनबाट १६ जनालाई विभिन्न पुरस्कार लक्की ड्रमार्फत छानेको बताए ।
१६ वर्षअगाडि पोखराका पर्यटन व्यवासायीहरुको संयुक्त लगानीमा स्थापना भएको सुलभ डिपार्टमेन्ट स्टोर्सले होटल तथा रेस्टुरेन्ट, दैनिक आवश्यक पर्ने र घरयासी सामग्री सुलभ मूल्यमा बिक्री गर्दै आएको छ ।
