लमजुङका कृष्णप्रसाद अधिकारी गण्डकी प्रदेशका मुख्यन्यायाधिवक्ता नियुक्त भएका छन्।
अधिकारीलाई प्रदेश प्रमुख डिल्लीराज भट्टले नेपालको संविधानको धारा १६० को उपधारा (२) बमोजिम बिहीबार मुख्य न्यायाधिवक्ता नियुक्त गरेका हुन् ।
गण्डकीका मुख्यमन्त्री खगराज अधिकारीले मंगलबार बसेको मन्त्रिपरिषद बैठकबाट अधिकारीलाई मुख्य न्यायाधिवक्ता बनाउने निर्णय गरेका थिए ।
नवनियुक्त मुख्य न्यायाधीवक्ता अधिकारीले बिहीबार पद तथा गोपनीयताको शपथ लिएका छन् । उच्च अदालत पोखराका कायममुकायम मुख्य न्यायाधीश राजनप्रसाद भट्टराईबाट उनले पद तथा गोपनीयताको शपथ लिएका हुन् ।
शपथलगत्तै अधिकारीले पदबहाली गरेका छन् । कानुनमा स्नातक अधिकारी लमजुङमै कानुन व्यवसायमा संलग्न थिए । लमजुङ जिल्ला बारमा तीन कार्यकाल अध्यक्ष भइसक्नुभएका अधिकारी चैत तेस्रो साता भएको एमाले जिल्ला अधिवेशनमा अध्यक्षमा पराजित भएका थिए ।
चैत २५ गते मुख्यमन्त्री नियुक्त भएका खगराज अधिकारी नेतृत्वको सरकारविरुद्ध २९ गते नै सर्वाेच्चमा रिट परेको छ । रिटको प्रारम्भिक सुनुवाइ गर्दै अदालतले सरकारलाई दीर्घकालीन निर्णय नगर्न बुधबार आदेश गरेको छ ।