पोखरा । प्रेस चौतारी नेपाल गण्डकी प्रदेशको अध्यक्षमा मैदान न्यूज डटकमका सञ्चालक इन्द्रप्रसाद पौडेल चयन भएका छन् । नवलपुरको कावासोती– १५ अमलटारीमा मंगलबार सम्पन्न नेकपा एमालेनिकट पत्रकारको संगठन प्रेस चौतारीको दोस्रो अधिवेशनले पौडेलको अध्यक्षतामा २४ सदस्यीय नयाँ कार्यसमिति सर्वसम्मत चयन गरेको हो ।
चौतारीको प्रदेश उपाध्यक्षमा इतराज गुरुङ, महिला उपाध्यक्षमा रञ्जिता शर्मा, महासचिवमा आश गुरुङ चयन भएका छन् । पौडेल अध्यक्षमा र गुरुङ महासचिवमा दोहोरिएका हुन् ।
त्यस्तै, कोषाध्यक्षमा मदन तिमिल्सिना, सचिवहरूमा गौरव त्रिपाठी, गोपाल जिटी, सिर्जना बराल, बालकृष्ण सुवेदी र डिलबहादुर विक चयन भएका प्रेस चाैतारी नवलपुरका अध्यक्ष तीर्थराज डुम्रेले जानकारी दिए ।
सदस्यहरूमा राजन पौडेल, रोशन लामिछाने, डा. नरनाथ पाण्डे, हरि सुवेदी (सुशील), राम सुनार, अर्जुन गाहा, विजय नेपाल, सुवास गौतम, राजन उपाध्याय, दयाराम आचार्य, रञ्जन अधिकारी, रामबहादुर खत्री, शिव बोहोरा र निरज थकाली चयन भएका छन्। अधिवेशनको सोमबार प्रेस चौतारीका केन्द्रीय अध्यक्ष गणेश बस्नेतले उद्घाटन गरेका थिए ।
अध्यक्ष निर्वाचित २१ वर्षदेखि पत्रकारितामा सक्रिय पौडेल कान्तिपुर टेलिभिजनमा कार्यरत छन् ।
