पोखरा । पर्वतमा बोलेरो जिप दुर्घटना हुँदा दुई जनाको मृत्यु भएको छ । बुधबार बिहान बिहादी गाउँपालिका ६ लिदीमा दुर्घटना हुँदा ६ जना घाइते भए ।
गुल्मीको कालीगण्डकी गाउँपालिकास्थित पूर्तिघाटबाट स्याङ्जाको वालिङतर्फ जाँदै गरेको लु१ज ४४६० नम्बरको जिप दुर्घटना भएको हो । दुई जनाको घटनास्थलमै मृत्यु भयो ।
बिहादी–३ रानीपानीका ६१ वर्षीय मीनप्रसाद उपाध्याय र गुल्मीको कालीगण्डकी गाउँपालिका–४ पूर्तिघाटकी ६४ वर्षीया डिलकुमारी भट्टचनको घटनास्थलमा मृत्यु भएको जिल्ला प्रहरी कार्यालयका प्रमुख प्रहरी नायब उपरीक्षक रविन विष्टले जानकारी दिए।
उनका अनुसार दुर्घटनामा परी घाइते भएका ६ जनालाई उपचारका लागि पाल्पा लगिएको छ । एक बालक सामान्य घाइते भएकाले स्थानीय स्वास्थ्यचौकीमा उपचार भइरहेको छ।
