पोखरा । मानव सेवा फाउन्डेसन र पोखरा महानगरपालिका प्रहरीबीच कोटीहोमको विषयलाई लिएर झडप भएको छ ।
नेपाल ट्रस्ट मातहतमा रहेको बाराहीघाटमा फाउन्डेसनले शुक्रबार भूमिपूजा गर्न लागेपछि विवाद उत्पन्न भएको हो ।
महानगरको अनुमतिबिना फाउन्डेसनले पूजा गर्न लागेपछि महानगर प्रहरी रोक्न पुगेका थिए ।
सोही क्रममा दुवै पक्षबीच विवाद उत्पन्न हुँदा झडपको स्थिति उत्पन्न भएको हो ।
विवाद बढेपछि बैदाम प्रहरीले स्थिति नियन्त्रणमा लिएको थियाे। पोखरा महानगरपालिकाका प्रवक्ता मोतिलाल तिमिल्सिनाले घटनामा ११ जना नगर प्रहरी घाइते भएको जानकारी दिए ।
उनीहरूको मेट्रोसीटी अस्पतालमा उपचार भइरहेको छ ।
