पोखरा । पर्यंटकीय नगरी पोखरामा पहिलो पटक भिल्ला अवधारणमा जेनेसिस भिल्लासले सिमित भिल्ला बिक्रिको लागि बुकिङ खुल्ला गरेको छ ।
पर्यटनको राजधानि पोखरामा रहेको केफास इन्भेस्टमेन्ट एण्ड होल्डिंग्स प्रा.लि.ले पोखरा १८ मा रहेको सेदीमा सिमित भिल्ला निर्माण गर्न लागेकोले अग्रिम बुकिङ खुल्ला गरेको प्रा.लि.का बजार व्यबस्थापक अनन्त ठकुरीले बताउनु भयो ।
उक्त लन्च बुकिङ इभेण्टको अवसरमा आयोजित कार्यक्रममा बुकिङ गर्ने ग्राहकहरुको लागि सस्थाले ५ प्रतिशत छुट उपलब्ध गराउने भएको छ । उक्त संस्थाले पहिलो चरणमा १० वटा भिल्ला निर्माण गर्न लागेकोले उक्त भिल्लाको अग्रिम बुकिङ गरी वातावरणमैत्रि भिल्ला निर्माण गर्ने भएको उहाँले जनाउनु भयो ।
पोखरा र काठमाण्डौं क्षेत्रका ३ जना युवा व्यवसायीले पोखरामा नयाँ अवधारणामा उक्त भिल्ला निर्माण गर्न लाग्नु भएको बजार व्यबस्थापक ठकुरीले उल्लेख गर्नुभयो ।
५ देखि ६ आना जग्गामा दुई तले भवनमा उक्त भिल्ला निर्माण हुने भएको हो । उक्त भिल्ला खरिद गर्नेहरुको लागि बिक्रि गर्ने संस्थाले दिगो रुपमा भिल्ला व्यबस्थापनमा आवश्यक सहकार्य गर्ने भएको छ ।
बिषेश छुट सहित हाल २ करोड ४९ लाखमा उक्त भिल्ला खरिद गर्न सकिने भएको छ । बजार व्यबस्थापक ठकुरीले भन्नुभयो “हाम्रा भिल्लाहरूले नेपालको सबै भन्दा छिटो, बढ्दो घर जग्गा हब भित्र अतुलनीय शिल्प कौशल, पर्यावरण–सचेत डिजाइन, यूरोप स्तरिय सेवा सुविधा प्रदान गर्दछ, व्यक्तिगत रूपमा होस् वा उच्च–उपज लगानीको रूपमा, जेनेसिस भिल्लाले कालातीत सुन्दरता र स्थायी मूल्यको प्रतिज्ञा गर्दछ । ”
पोखराको शान्त सेदी लेकसाइडमा रहेको प्रत्येक भिल्ला प्रिमियम फिनिशका साथ निर्मित छ र फराकिलो लेआउटहरूले सुसज्जित रहेको छ भने गोपनीयता तथा आराम चाहनेहरूका लागि उपयुक्त सुन्दर परिदृश्य बगैंचादेखि निजी पोखरीहरूसम्म, प्रत्येक विवरण अभिजात वर्गका ग्राहकहरूको स्वाद अनुरूप बनाइएको संस्थाको दाबी छ ।
जेनेसिस भिल्लाले पोखरामा रियल इस्टेटलाई रूपान्तरण गर्ने आफ्नो दृष्टिकोणलाई मूर्त रूप दिने भएको छ । २०१४ मा स्थापित सेफास रियल इस्टेटदेखि जलविद्युत, कृषि र वित्तीय बजारसम्मका विविध क्षेत्रहरूमा अग्रणी बनेको छ । पोखरा लेकसाइडको शान्त वातावरणमा अवस्थित, जेनेसिस भिल्लाले शहरको जीवन्त संस्कृति, आश्चर्यजनक परिदृश्य र लोकप्रिय आकर्षणहरूमा सजिलो पहुँच प्रदान गर्ने संस्थाको दाबी छ ।
फेवाताल, पोखरा डिज्नील्याण्ड र अन्नपूर्ण केबल कारको छोटो ड्राइभको साथ, यो उत्कृष्ट स्थान नजिकैका सुविधाको साथ शान्ति खोज्नेहरूका लागि उपयुक्त स्थान बन्न सक्ने ठकुरीले विश्वास व्यक्त गर्नुभयो । पोखरा क्षेत्रका प्रतिष्ठित व्यक्ति तथा संस्थाहरुको सो क्षेत्रमा विभिन्न अपाटमेन्ट देखि विभिन्न पर्यटकीय गन्तव्यहरुमा लगानी थपिदैछ ।
