पोखरा । पोखरामा सात वर्षअघिदेखि फिटनेस व्यवसायमा सक्रिय राइज फिटनेसले सेवा विस्तार गर्दै प्रस्याङ, सिर्जनाचोक र शान्तिनगर चोक गरी तीन ठाउँमा शाखा सञ्चालनमा ल्याएको छ। पुरानो रत्न श्री जिमको स्थानमा शान्तिनगरमा आधुनिक संरचना र प्रविधियुक्त नयाँ शाखा शुरू गरिएको संचालक कमल भण्डारीले जानकारी दिए।
उनका अनुसार तीनै शाखामा नयाँ प्रविधि–मैत्री मेसिन जडान गरिएको छ। नयाँ सदस्यका लागि १५–२० दिनसम्म निःशुल्क प्रशिक्षण र दुई प्रशिक्षकमार्फत दैनिक तालीम प्रदान गरिने व्यवस्था छ।
राइज फिटनेसले मासिक ३,००० र त्रैमासिक ७,००० शुल्क निर्धारण गरेको छ भने भर्ना शुल्क नलाग्ने नीति लागू गरिएको छ। प्रत्येक शाखामा ५–५ जना कर्मचारी खटाइएका छन्।
शान्तिनगरको नयाँ शाखा मात्र २ करोड रुपैयाँ लागतमा निर्माण भएको भण्डारीले बताए। तीनै शाखामा गरी ५ करोड रुपैयाँभन्दा बढी लगानी भइसकेको छ। उनका अनुसार फिटनेसप्रति नयाँ पुस्तासँगै सबै उमेरका मानिसको रुचि बढेकाले व्यवसायबाट सन्तोषजनक आम्दानी भइरहेको छ।
भण्डारीका अनुसार प्रतिस्पर्धा बढ्दै गए पनि प्रविधि, संरचना र तालीम विधिमा निरन्तर सुधार गर्दै सेवा विस्तार गर्न कम्पनीले दीर्घकालीन योजना अघि बढाएको छ।
