पोखरा । नेपाल उद्योग वाणिज्य महासंघ (एफएनसीसीआई) गण्डकी प्रदेशले ट्रेकिङ एजेन्सिज एसोसिएसन अफ नेपाल (टान) गण्डकी प्रदेशका अध्यक्ष कृष्णप्रसाद आचार्यलाई आमन्त्रित सदस्यमा मनोनीत गरेको छ।
महासंघ गण्डकी प्रदेशको जेठ २४ गते बसेको दोस्रो कार्यकारिणी समिति बैठकले आचार्यलाई आमन्त्रित सदस्यमा मनोनीत गर्ने निर्णय गरेको हो।
महासंघको विधान, नियमावली र आचारसंहिताअनुसार आवश्यक कार्यविधि तयार गरी महासंघलाई सशक्त रूपमा अघि बढाउने कार्यमा आचार्यको महत्वपूर्ण योगदान रहने महासंघ गण्डकी प्रदेशका अध्यक्ष नरेश कँडेलले बताए।
