काठमाडौं । सरकारले संघीय संसदको हिउँदे अधिवेशन बोलाउन राष्ट्रपति रामचन्द्र पौडेलसमक्ष सिफारिस गरेको छ । सोमबार बसेको मन्त्रिपरिषद्को बैठकले १८ माघमा संघीय संसदको दुवै सदनको बैठक बोलाउन सिफारिस गरेको हो ।
प्रधानमन्त्री केपी ओलीले संसद अधिवेशन बोलाउनेबारे सोमबारै सभामुख देवराज घिमिरेसँग छलफल गरेका थिए । सरकारले अधिवेशन बोलाउन ढिलाइ गरेको भन्दै सरकारको आलोचना गरिरहेको बेला सरकारले अधिवेशन बोलाउन सिफारिस गरेको हो ।
