पोखरा । वन विज्ञान अध्ययन संस्थान, पोखरा क्याम्पसमा अनेरास्ववियु र अखिल (क्रान्तिकारी)ले संयुक्त प्यानल बनाएका छन् ।
आगामी ५ चैतमा हुने निर्वाचनका लागि अनेरास्ववियुबाट अभिषेक शर्मा स्वतन्त्र विद्यार्थी युनियन (स्ववियु)अध्यक्ष पदको उम्मेद्वार छन् ।
सहमतिअनुसार यो क्याम्पसमा अनेरास्ववियुले अध्यक्ष, कोषाध्यक्ष र दुई जना सदस्य तथा क्रान्तिकारीले सचिव र तीन सदस्य लिएका छन् । सचिवमा क्रान्तिकारीका गौरव खड्का, कोषाध्यक्षमा प्रतिमा श्रेष्ठ उम्मेद्वार छन् । सदस्यमा अनेरास्ववियुका सुनिलसिंह भण्डारी, सिद्धान्त खनाल, क्रान्तिकारीका रिया श्रेष्ठ, प्रकट ढुंगाना, भिबोर शाह उम्मेद्वार छन् ।
समानुपातिकमा भने दुवै संगठनका छुट्टाछुट्टै उम्मेद्वार चुनावी मैदानमा छन् । अनेरास्ववियुले प्रदीप सापकोटा, रेजल पौडेल, दीक्षा क्षेत्री, सरोज रेग्मी, चन्द्रा नाथ, विष्णु सुवेदी, रामबहादुर राय यादव उम्मेद्वार बनाएकाे छ ।
यो क्याम्पसमा ४ सय ५० जना मतदाता छन् ।
